मुंबई, प्रतिनिधी – उपमुख्यमंत्री सुनित्रा पवार यांच्या राजीनाम्यानंतर रिक्त झालेल्या राज्यसभेच्या जागेसाठी माजी आ. राजेंद्र जैन यांची उमेदवारी जाहीर करण्यात आली आहे. प्रदेशाध्यक्ष सुनील तटकरे यांनी ही घोषणा केली.
राजेंद्र जैन हे राष्ट्रवादी काँग्रेस पक्षाचे एक ज्येष्ठ नेते असून ते हे मूळचे विदर्भातील भंडारा-गोंदिया जिल्ह्यातील आहेत. ते राष्ट्रवादी काँग्रेसचे निष्ठावंत नेते असून, त्यांनी यापूर्वी आमदार म्हणूनही काम पाहिले आहे.
राष्ट्रवादी काँग्रेसच्या कमिटीच्या बैठकीत व पक्षाचे प्रदेशाध्यक्ष सुनील तटकरे यांच्या घोषणेनुसार, आगामी राज्यसभेच्या रिक्त जागेसाठी त्यांचे नाव पक्षाकडून अधिकृतरीत्या निश्चित करण्यात आले आहे. गोंदिया आणि भंडारा पट्ट्यात त्यांची मोठी राजकीय पकड आहे. ते विविध सामाजिक आणि राजकीय कार्यक्रमांच्या माध्यमातून सातत्याने सक्रिय असतात.
