धरणगाव, प्रतिनिधी – येथील गुरुकुल इंग्लिश मीडियम स्कूलचे वार्षिक स्नेहसंमेलन बालकवी ठोंबरे शाळेच्या प्रशस्त पटांगणावर उत्साहात पार पडले.
कार्यक्रमाच्या अध्यक्षस्थानी नाशिक येथील आदिवासी विकास विभागाच्या प्रदेशाध्यक्षा रिटा पाटील तर प्रमुख पाहुणे म्हणून धरणगावच्या लोकनियुक्त नगराध्यक्षा लीलाताई चौधरी, पोलिस उपनिरीक्षक सुनील पवार, तरडी येथील कृष्णाई माऊली आश्रम स्कूलचे सेक्रेटरी उदय पाटील, बालकवी ठोंबरे शाळेचे सेक्रेटरी ललित उपासनी, गुलाबराव पाटील, मंदाकिनीताई पाटील, शाळेचे चेअरमन आनंदराव पवार, व्हाईस चेअरमन मालतीताई पवार, सेक्रेटरी नितीन पवार, प्रिन्सिपल वैशाली पवार, पारोळा भाजपाचे तालुकाध्यक्ष अतुल पवार , रूपाली पवार आदी उपस्थित होते.
कार्यक्रमाची सुरुवात विद्यार्थ्यांच्या आकर्षक वेलकम डान्सने झाली. त्यानंतर अतिथींचे स्वागत व विशेष बक्षीस वितरण करण्यात आले. दीपप्रज्वलनानंतर सांस्कृतिक कार्यक्रमाला सुरुवात झाली.
या वर्षी स्नेहसंमेलनाची थीम ‘महोत्सव’ अशी ठेवण्यात आली होती. नर्सरी ते इयत्ता आठवीपर्यंतच्या विद्यार्थ्यांनी विविध सणांवर आधारित सुंदर, रंगतदार नृत्य सादर करून उपस्थितांची मने जिंकली. कार्यक्रमाचे सूत्रसंचालन अग्निहोत्री मॅडम व सचिन पाटील यांनी केले.
स्नेहसंमेलन यशस्वी होण्यासाठी शाळेचे संपूर्ण व्यवस्थापन, चैताली पवार, कृष्णा पवार, अंकित पवार, सर्व शिक्षक व शिक्षकेत्तर कर्मचारी यांनी विशेष परिश्रम घेतले.
