भुवनेश्वर, वृत्तसंस्था – भारतातील ओडिशा राज्यात एक चार्टर्ड विमान कोसळले आहे. भुवनेश्वरहून उड्डाण करणाऱ्या एका चार्टर्ड विमानाने लँडिंगच्या काही काळापूर्वीच आपत्कालीन लँडिंग केले. या विमान दुर्घटनेत 6 जण जखमी झाल्याची प्राथमिक माहिती आहे. तपास यंत्रणा या विमान दुर्घटनेची कसून चौकशी करत आहेत.
10 जानेवारी रोजी ओडिशातील राउरकेला हवाई पट्ट्यावर एक मोठी दुर्घटना टळली. या अपघातात दोन्ही वैमानिकांसह सहा जण जखमी झाले आहेत. तथापि, सर्व जखमी धोक्याबाहेर असल्याचे दिलासादायक वृत्त आहे. मिळालेल्या माहितीनुसार इंडिया वन एअरने चालवलेले हे चार्टर्ड विमान भुवनेश्वर विमानतळावरून निघाले. विमान राउरकेला विमानतळावर उतरण्याच्या तयारीत असताना तांत्रिक बिघाडामुळे पायलटला आपत्कालीन क्रॅश लँडिंग करावे लागले. नऊ आसनी असलेले चार्ली-208 विमान दुर्घटनाग्रस्त झाले आहे. या भिषण अपघातात सहा जण जखमी झाले आहेत. कॅप्टन नवीन कडंगा आणि सह-वैमानिक तरुण श्रीवास्तव अशी या विमानातील पायलटची नावे आहेत. जखमी प्रवाशांमध्ये सुशांत कुमार बिस्वाल, अनिता साहू, सुनील अग्रवाल आणि सबिता अग्रवाल यांचा समावेश आहे. सर्व जखमींना तातडीने जवळच्या रुग्णालयात दाखल करण्यात आले, जिथे त्यांच्यावर सध्या उपचार सुरू आहेत.
